Lembur Aing Halodo

Caritana hujan ogah ngabanjur

Ka lembur aing nu hareurin

Ka lembur aing nu ngarebul

Caritana hujan ogah ngabanjur

Ka lembur aing nu panas

Ka lembur aing nu ganas

Taneuh gararing

Leungit subur tatangkalan jadi gareuring

Dangdaunan lalayu

Leungit hejo jadi koneng kariting 

Cai keran ngaleutikan

Tinggal empang nu loba caina

Cai sasak saat

Tinggal leutak nu empoy jadi heuras

Bangkong di mana sia?

Geus dua bulan aing kaleungitan sia

Geura seuri geura nembang atuh

Beh hujan daek ngabanjur

Ka lembur aing nu hareurin

Ka lembur aing nu ngarebul

Bangkong di mana sia?

Geus dua bulan aing kaleungitan sia

Geura ngacaprak

Beh sawah-sawah bapa kolot aing

Nu ayeuna jadi aset PT PT urang kaya Jakarta

Harirup deui

Najeun beasna ngeun jadi carita

Beh kebon-kebon bapa kolot aing

Nu ayeuna jadi imah-imah bararagus

Sarejuk deui

Najeun subur baruana ngeun jadi carita

Bangkong di mana sia?

Emang heeuh hujan karak datang dua bulan deui?

Kudu kumaha geh?

-----------------------------

Tangerang, 29 Juli 2015

Hampura lamun basa sundana nya goreng nya kasar